Джордж Рассел Лас-Вегастағы Гран-при іріктеу кезеңінде жеңіске жетті

Формула-1 Бүгін 03:25

Аружан Темірбек

sports24 сарапшы

Mercedes командасының шабандозы Джордж Рассел Формула-1 2024 маусымының 22-кезеңі – Лас-Вегас Гран-приінде поул-позицияны жеңіп алды. Бұл оның мансабындағы төртінші, ал биылғы маусымдағы екінші поулы.

Финалдық сегментте Рассел екі мүмкіндікте де үздік нәтиже көрсетіп, соңғы айналымда трасса рекордын жаңартты – 1.32,312. Ол Феррари шабандозы Карлос Сайнсты небәрі 0,098 секундқа артта қалдырып, бірінші орынға тұрақтады.

Үшінші орын Alpine командасының шабандозы Пьер Гаслиге бұйырды. Француздық шабандоз Расселден бар болғаны 0,3 секундқа қалып қойып, Макс Ферстаппен мен Ландо Норрис сияқты титул үшін таласып жатқан пилоттарды басып озды.