Бруну Фернандеш Тоттенхэмге қарсы ойында алған қызыл қағазбен келіспейді

Формула-1 Бүгін 15:51

Аружан Темірбек

sports24 сарапшы

"Манчестер Юнайтед" капитаны Бруну Фернандеш АПЛ-дің 6-турындағы "Тоттенхэмге" қарсы ойында алған қызыл қағазы туралы пікір білдірді.

"Менің ойымша, мен қызыл қағазға лайық болмадым. Иә, бұл фол, бірақ қызыл қағаз емес. Төреші мен оны бутсаммен тепкенімді көрдім деді, бірақ олай емес. Мен оны теппедім немесе аяғыммен ұрған жоқпын, бұл менің тобығыммен болған жанасу. Бұл жағдайда олай болмауы керек еді", – деп Фернандештің сөзін BBC басылымы келтіреді.

Еске сала кетейік, 41-минутта португалиялық ойыншы Джеймс Мэддисонды тоқтатуға тырысып, құлап бара жатып, қарсыласының жіліншігінен ұрып жіберді. Бұл Бруну Фернандештің "Манчестер Юнайтед" сапындағы алғашқы қызыл қағазы болды.