Жюль Кунде:"Мүмкін, біз өзімізді тыңдату үшін ереуілге шығу мүмкіндігін талқылауымыз керек шығар"

Футбол Кеше 15:59

Аружан Темірбек

sports24 сарапшы

Франция құрамасының және “Барселонаның” қорғаушысы Жюль Кунде қарбалас күнтізбе жайлы соңғы жаңалықтарға өз пікірін айтты.

-Родри күнтізбенің тым ауыр екенін және ойыншыларға физикалық тұрғыдан қиын екенін айтты. Сіз келісесіз бе?

“Иә, мен келісемін, соңғы 3-4 маусымда бұл мәселе қозғалып келеді. Мүмкін, біз өзімізді тыңдату үшін ереуілге шығу мүмкіндігін талқылауымыз керек шығар. Жарақаттар көбейіп жатыр, ал демалыс жоқтың қасы”, - деді футболшы “Монакомен” матч алдындағы баспасөз мәслихатында.

Естеріңізге сала кетейік, бұған дейін ойыншылар мен бапкерлер өздері үшін төзгісіз болып бара жатқан ойындар кестесіне наразылықтарын білдіріп жатқаны туралы жаңалықтарды жариялаған болатынбыз.