Жиан МАРТИНС: “Мен басқа атмосфера мен жаңа сынақтарды өзімнің футбол мансабым үшін қалайтынмын”
Қазақстандық командалардың экс-ойыншысы Жиан Мартинс Sport24.kz редакциясына эксклюзивті сұхбат беріп, Израиль чемпионатын неге таңдағанын және Премьер-лигадағы ең мықты жартылай қорғаушы кім екенін айтты.
Мартинс, өткен маусымда ауыр жарақат алған едіңіз. Қазір денсаулығыңыз қалай?
- Иә, Израильде ауыр жарақат алдым, бірақ қазір қалыпқа келіп жатырмын, күннен-күнге футболға оралуға жақындап келемін. Осы жағдайға мен өте қуаныштымын.
“Қызылжар” ФК-мен келісімшартты ұзарту ұсынысына қарамастан, неге Израиль чемпионатын таңдадыңыз?
-Мен Израиль чемпионатын таңдадым, себебі мен басқа атмосфера мен жаңа сынақтар қалайтынмын өзімнің футбол мансабым үшін, және, әрине, мен сол жақтағы чемпионаттың өте жақсы және бәсекеге қабілетті екенін білдім.
Израиль чемпионатының деңгейі қандай? Жалақылар Қазақстанмен салыстырғанда жоғары ма?
-Израиль чемпионатының деңгейі өте жоғары, сондықтан ол күшті чемпионатқа айналады. Бұл чемпионатта ойнау өте қызықты, мен сол жерде өзімді өте жақсы сезіндім, мен жақсы бейімделдім. Қаржы мәселесіне келсек, мен басқа ойыншылардың жалақысын айта алмаймын. Дегенмен, бұл чемпионаттың деңгейі өте жоғары болғандықтан, жалақылар жақсы деп ойлаймын.
Қазақстан чемпионаты туралы не айта аласыз? Сізге не ұнамады?
- Қазақстан чемпионаты туралы айтатын болсам, мен Қазақстанда 4 жыл өмірімнің бөлігін өткіздім. Маған осы чемпионатта ойнау әрдайым ұнайтын, бірақ жалғыз қиындық – ұзақ сапарлар мен суық ауа-райы болды деп ойлаймын.
Қазақстанда қандай командамен ойнау қиын болды?
- Қазақстанда мен үшін ең қиын команда қандай болды? Барлық командалармен ойнау қиын болды деп ойлаймын, менде ешқашан оңай ойындар болған емес.
Жартылай қорғаушы позициясында көбінесе легионерлер ойнайды. Сіздің ойыңызша Қазақстан чемпионатындағы ең мықты жартылай қорғаушы кім?
- Қазақстандық ең мықты жартылай қорғаушы туралы айтар болсам, оның аты есімі түспей тұр. Бірақ ол “Ордабасы” капитаны, оның ойын стилі маған ұнайды.
