«Жеңіс» Эрдон Дацимен келісімшартты бұзғанын ресми түрде жариялады

Футбол 24 сәу 2025 10:24

Аружан Темірбек

Редактор

Астананың «Женіс» футбол клубы солтүстік македониялық шабуылшысы Эрдон Дацимен келісімшарттың бұзылғанын ресми түрде хабарлады. 25 жастағы футболшымен келісімшарт тараптардың ортақ шешімі бойынша тоқтатылды.

Даци 2025 жылдың наурыз айында «Жеңіс» сапына қосылып, Қазақстан Премьер-лигасында төрт ойын өткізді. Ол биылғы маусымда клубтың алғашқы голының авторы атанды: үшінші турда «Ұлытаудың» қақпасына соққан дәл соққысы командаға 1:1 есебімен тең ойнауға көмектесті.

Алайда сәтті басталған маусым ауыр жарақатпен аяқталды. Қазақстан Кубогы аясында «Ақтөбеге» қарсы ойында Даци тізе байламдары жарақатын алды . Бұл шабуылшыны ұзақ уақыт бойы алаңнан тыс қалдырды. Ойыншы мен клуб басшылығы ақылдаса келе, келісімшартты бұзу туралы шешім қабылдады. Бұл Дациге толыққанды оңалтудан өтіп, сауығуға мүмкіндік береді.

Эрдон Даци - Македонияның әйгілі «Вардар» клубының түлегі. «Жеңіс» сапындағы алғашқы ойынын ол 2025 жылдың 8 наурызында «Тобылға» қарсы өткізді (0:0).

Байланысты командалар мен лигалар

Женіс

Қазақстан Премьер-Лигасы