Яхшибоев төрт ойынға шеттетілді

Футбол 03 қара 2024 06:35

Марлен Аманов

sports24 сарапшы

Жақында ҚФФ бақылау, тәртіптік және этика комитетінің отырысы өтті. Комитет шешімімен шымкенттік команданың шабуылшысы Жасурбек Яхшибоев төрт ойынға шеттетілді.

-2024 жылғы OLIMPBET-Қазақстан чемпионатының 23-турында “Тобыл” мен “Ордабасы” командалары арасындағы ойын кезінде матчтың ресми тұлғасына қатысты спортқа жат қылық танытқаны үшін, ҚФФ Тәртіптік ережесінің 45-бабы 1-тармағының 1) тармақшасына сәйкес, “Ордабасы” ойыншысы Жасурбек Яхшибоев төрт ойынға шеттетілді. Дисквалификация мерзімі 2024 жылғы 23 қазаннан бастап есептеледі.

Атап айтатыны, Жасур команданың және чемпионаттың үздік бомбарлирлерінің бірі. Шабуылшының еншісінде 9 гол бар.