Войцех Щенсны Барселонаға ауысуы үшін медициналық тексерістен сәтті өтті

Футбол 30 қыр 2024 12:29

Аружан Темірбек

sports24 сарапшы

"Арсенал" мен "Ювентустің" бұрынғы қақпашысы Войцех Щенсны "Барселонаға" ауысуға жақын.

Mundo Deportivo ақпараты бойынша, футболшы каталондық клубпен келісімшартқа отыру үшін медициналық тексеруден өтті. Щенсны жарақат алған Марк-Андре тер Штегеннің орнына таңдалды. Щенсны қосалқы қақпашы Иньяки Пеньямен бәсекелестікте жеңіске жетсе, "Барселонаның" негізгі қақпашысы болуы мүмкін деп күтілуде.

Щенсны тамыз айының соңында мансабын аяқтағанын жариялады. Оның соңғы клубы "Ювентус" болды, онда ол барлық турнирлерде 252 матч өткізіп, 233 гол жіберіп алды және 103 ойында қақпасын "құрғақ" ұстады.