Владимир ЧЕБУРИН: “Басты фактор — киім ауыстыру бөлмесі, командалық рух”
Қазақстандық бапкер Владимир Чебурин “Жальгирис” командасы тізгініндегі 2024 жылғы маусымды қорытындылады.
"Маусым басталар алдында біздің мүмкіндіктерімізге тек клубтың әкімшілігі, бапкерлер штабы, ойыншылар мен “Жальгириск әрдайым қолдау көрсететін ең адал жанкүйерлеріміз ғана сенді, - деп еске алады Чебурин.
– Бұл маусымның ерекшелігі неде?
- Әр маусымның өз ерекшелігі бар. Өткен жылдағы тәжірибені ескере отырып, құрамды жасақтауда үлкен жұмыс атқардық, бізге қажетті, жоғары мақсаттар үшін бірге күресе алатын ойыншыларды таңдадық. Көптеген ойыншылар кетті, кейбіреулерімен қоштастық. Команда 75%-ға жаңарды.
Еуропада бізге сәттілік жетіспеді. Бірақ оған өз себептері болды. Ойыншыларға Кипрде тартысты ойын үшін алғыс айтамын, ол жерде бізге бір ойыншыға кем ойнауға тура келді. Бұл оңай емес, шынымен де өте қиын болды. Осы маусымда кемшіліктер болды — кубокта, Еуропада. Келесі жылы біз жақсы өнер көрсетуге тырысамыз.
Басты фактор — киім ауыстыру бөлмесі, командалық рух. Ойыншыларды дұрыс таңдау жұмысы бізге күшті бәсекелестік пен мықты ойыншылар бар команданы құруға көмектесті. Ойыншылар тек ойнауды қаламай, командаға қолдау көрсетуге “Жальгирис” отбасына қосылып, клубтың рухын қабылдап, үлкен жауапкершілікті өз мойындарына алды. Бізде жоғары деңгейдегі клубтарда тәжірибесі мол ойыншылар болды, нағыз кәсіби мамандар. Олар өз жұмысына ғашық. Біздің идеяларымызды қабылдады. Әрине, түсініспеушіліктер болды, кейбір әрекеттерді құрып, түзетуге тура келді. Бірақ олар осы жолмен жүріп, алаңда идеяларымызды жүзеге асырды.
Мен ойыншыларға, олардың кәсібилігіне алғыс айтқым келеді. Капитандарға клубқа деген махаббаты мен команданы жеңістерге бастап алып барғандары үшін рахмет. Клуб әкімшілігіне ойыншылардың өз жұмыстарын тиянақты орындауы үшін барлығын жасағандары үшін алғыс айтамын. Бізге әр матчта, қай қалада немесе елде ойнасақ та қолдау көрсеткен жанкүйерлерімізге үлкен рақмет. Сондай-ақ, Вильнюс қаласына және муниципалитетке қолдаулары үшін рахмет", - деп келтіреді Чебуриннің сөздерін Sports.kz.
Еске салайық, осы маусымда Владимир Чебуриннің жетекшілігімен “Жальгирис”Литва чемпионатын жеңіп алды.
Байланысты командалар мен лигалар
Футбол
Бүгін 07:14
