Виторияның бас бапкері Руй Боржес Астанаға қарсы ойын туралы өз ойын білдірді

Футбол Бүгін 14:18

Нұрбақыт Қадырбаев

sports24 сарапшы

“Витория” командасының бас бапкері Руй Боржес 1:1 есебімен аяқталған “Астанаға” қарсы ойын туралы өз ойын білдірді.

“Бірінші таймда да, екінші таймда да ойынды өз бақылауымызда ұстадық. Бұрыштамадан кейін гол жіберіп алдық, бірақ өзімізге деген сенімімізді жоғалтпай, ақтық ысқырық естілгенше ойнадық. Бұл гол бізді сындырмады. Біз бұл матчта жеңіске жетуді қаладық және оның қолымыздан келетініне сендік. Екінші таймда қарсылас жиі қарсы шабуылдар ұйымдастырды, бірақ біз жақсы қорғана алдық. Ойынды дәл мен жоспарлағандай ойнадық”, – деді маман.

Естеріңізге сала кетейік, Конференция лигасының жалпы кезеңінің 4-ші турында “Астана” 89-минутта гол жіберіп алып, жеңісті қолдан жіберіп алған болатын.