Виталий Жуковский: "Төрешілер жайлы мүлде сөз қозғағым келмейді"
"Атырау" футбол клубының бас бапкері Виталий Жуковский Қазақстан Кубогы финалында "Ақтөбеден" 1:2 есебімен жеңілгені туралы пікір білдірді.
"Жақсы мереке болды, жанкүйерлер де бар, олар шынайы қолдау көрсетті. Жанкүйерлер бір-біріне құрмет көрсетті. Өкінішке қарай, біз бұл ойында жеңіліп қалдық. Біз есеп бойынша жеңілдік, бірақ рухымыздан емес. Бүгін біз екі жыл бойы істеген жұмысымызды қорытындылағымыз келді... Жігіттерді әкелік тұрғыдан аяймын, бірақ әрі қарай жүру керек. Егер төрешілер туралы айта бастасам, бұл жылағанымдай болып қалады. Ал, мен олай жасағым келмейді. Төрешілер жайлы мүлде сөз қозғағым келмейді", — дейді бапкер. Жуковскийдің сөзін Sports.kz спорт-порталы Meta-ratings.kz-ке сілтеме жасап жеткізді.
Еске сала кетейік, 30 қыркүйекте 2024 жылғы Қазақстан Кубогының финалдық ойынында "Ақтөбе" "Атырауды" 2:1 есебімен жеңіп, ел Кубогының иегері атанды.
