Винисиус - Чемпиондар лигасының осы аптадағы үздік ойыншысы

Футбол 24 қаз 2024 13:02

Марлен Аманов

sports24 сарапшы

Мадридтік команданың шабуылшысы Винисиус Жуниор Чемпиондар лигасының аптаның үздік ойыншысы деп танылды, деп хабарлайды УЕФА-ның ресми сайты.

Винисиус Чемпиондар лигасының жалпы кезеңінің 3-турында дортмундтық “Боруссияға” қарсы матчтың қаһармандарының бірі болды (5:2). Ойын барысында корольдік клуб 0:2 есебімен ұтылып жатқан болатын, алайда екінші таймда бразилиялық футболшы хет-трик жасап, командасына жеңіске жетуге көмектесті.

Дауыс беру қорытындысы бойынша бразилиялық ойыншы Такуми Минаминоны ("Монако"), Рафиньяны ("Барселона") және Тиджани Райндерсті ("Милан") басып озды.