Уэльс – қауіпті қарсылас: ресейлік комментатор Қазақстан құрамасының болашақ оппонентін бағалады

Футбол 21 нау 2025 00:40

Арсен Алиев

Редактор

Ресейлік спорт журналисі және Okko Спорт комментаторы Лионель Абба Ұлттар лигасының B4 тобында бірінші орын алған Уэльс құрамасы туралы пікір білдірді. Ол британдық команданың мықты тұстарын атап өтіп, олардың жетістікке қалай жеткенін түсіндірді, деп хабарлады Meta-ratings.kz.

Аббаның айтуынша, Уэльс сенімді қорғаныс ойынның арқасында көшбасшылықты иеленді.

– "Олардың жетістігінің басты факторы – қорғаныс. Мысалы, негізгі бәсекелесі Түркияға қарсы екі ойында бірде-бір гол жіберген жоқ. Сонымен қатар, олардың тағы бір күші – флангтар: Дэниел Джеймс пен Неко Уильямс жылдамдығы мен дәл пас беруінің арқасында жиі қауіпті сәттер жасайды", – деді сарапшы.

Абба жұлдызды ойыншылар болмағанына қарамастан, Уэльс жақсы ұйымдасқан командалық ойынының арқасында күтпеген нәтижелер көрсете алатынын айтты.

– "Бұл құраманы топ-деңгейдегі команда деп айту қиын, бірақ ойыншылардың өзара түсіністігі мен үйлесімділігі олардың нәтижелілігін арттырады. Крейг Белламидің жетекшілігімен олар қарқынды комбинациялық футбол көрсетеді, бұл өз жемісін беруде", – деп қосты комментатор.

Алты турдан кейін Уэльс құрамасы 12 ұпай жинап, Түркия, Исландия және Черногориядан озып кетті. 22 наурыз күні 2026 жылғы әлем чемпионатының іріктеу кезеңінде Уэльс "Кардифф Сити" стадионында Қазақстан құрамасын қабылдайды.

Сондай-ақ оқыңыз: Франция Хорватияға Лига ұлттарында есе жіберді: Дешам жеңілістің себептерін түсіндірді