Уэйн Руни Фил Фоденді Англия құрамасының қазіргі таңдағы үздік ойыншысы деп атады

Футбол Бүгін 14:51

Аружан Темірбек

sports24 сарапшы

Англия құрамасының бұрынғы шабуылшысы Уэйн Руни ұлттық команданың ең үздік ойыншысы деп кімді санайтынын айтты.

“Менің ойымша, ең үздігі - Фил Фоден. Бұл маусымда ол “Сити” үшін аз ойнағанын білемін, бірақ өз шыңында ол Англия құрамасының ең мықты футболшысы. Коул Палмер “Челсиге” ауысқаннан бері керемет ойнап жүр, сондай-ақ Джуд Беллингемнің “Реалда” көрсетіп жатқан ойындарын да атап өтуге болады, бірақ менің пікірімше, ең үздігі - Фоден”, - деді Руни talkSport эфирінде.

Осы маусымда Фил Фоден “Манчестер Сити” сапында жеті матч өткізіп, бір гол соғып, бір нәтижелі пас авторы атанды.