УЕФА-мен келісім және шетелдіктер: Ақтөбеде жаңа стадион құрылысының мән-жайы белгілі болды

Футбол 11 қыр 2024 07:32

Денис Кошечкин

sports24 сарапшы

Ақтөбе облысының әкімі Асхат Шахаров қалада футбол стадионын салуға дайындық туралы айтты.

"Стадион салу оңай емес. Үлкен қаражат қажет. УЕФА талаптары да ескерілуі керек. Бір жылға жуық уақыт бойы құжаттар, келісімдер дайындалды. Футболды дамыту бойынша үлкен жұмыс жүргізілуде. Біз өз тарапымыздан инфрақұрылымды қолға алдық. Жақында футбол академиясы ашылды. Біз 6 жастан бастап балаларды іріктеп, академияға жібереміз. Жанкүйерлерге келетін болсақ, олар бізде белсенді. Стадион 13 мың көрерменге арналған болса да, билеттер жетіспейді. Сондықтан Ақтөбеге үлкен стадион қажет. Басында 30 мың орындық стадион туралы ойландық. Бірақ стадион 35 мың орынға салынатын болады. Ойындарды жоғары деңгейде өткізуге мүмкіндік туындайды".

Сондай-ақ Ақтөбе облысының әкімі осындай сөздерді қосты:

"УЕФА-мен келісім жасалды, футбол федерациясы да қолдау көрсетуде. Құрылыс мемлекеттік-жекешелік әріптестік шеңберінде жүргізілетін болады. Жоба бар, негізгі құжаттар дайын. Құрылыс жұмыстарын жүргізу үшін компанияны анықтап, келесі жылы құрылысты бастаймыз. Бізде тәжірибелі компаниялар жоқ, сондықтан оны шетелдік ұжым салады. Жоспар бойынша құрылыс 1 жыл 8 айда аяқталуы керек. Ол 2026 жылы аяқталады деп жоспарлап отырмыз", - деді Асхат Шахаров Inform.kz. басылымына берген сұхбатында.

Жуковтың Қазақстан құрамасына шақыртылуы жайлы бапкердің бас бапкердің ұстанымы белгілі