УЕФА Астанаға қарсы ойын алдында Челсиге ескерту жасады

Футбол Бүгін 13:46

Нұрбақыт Қадырбаев

sports24 сарапшы

УЕФА Конференция лигасының жалпы кезеңінің бесінші турындағы “Астана” мен “Челси” арасында өтетін матч алдында, турнирдің ресми аккаунты “Манчестер Юнайтедтің” Астанаға сәтсіз сапарын еске түсірді.

2019 жылдың 28 қарашасында “Астана” Еуропа лигасының топтық кезеңінің бесінші турындағы өз алаңындағы ойында “Манчестер Юнайтедті” 2:1 есебімен жеңді. Конференция лигасының твиттер аккаунтында сол матчтың суреті жарияланып, келесі жазба қалдырылды: “Астана соңғы рет УЕФА клубтық жарысында ағылшын командасымен ойнаған кезде”.

Матч 12 желтоқсанда Алматыдағы “Орталық” стадионда өтеді. Кездесу Қазақстан уақытымен 20:30-да басталады.

Байланысты командалар мен лигалар

Астана

Челси

Конференция лигасы