Тимур Мульдинов алдағы ойынға қатыса алмайды

Футбол 10 қаз 2024 01:51

“Қызылжар” футбол клубының шабуылшысы алдағы “Атыраумен” болатын ойынға қатыса алмайды. Себебі, Тимур Шымкенттік командаға қарсы ойында қызыл қағаз алған болатын. Шабуылшы үшін биыл сәтсіз маусымдардың бірі. Мульдинов тек 10 ойынға қатысып, 1 гол соққан.

31 жастағы футболшы Петропавлдық команда сапында 2018 жылы жақсы маусым өткізген болатын. Премьер – лигаға оралған “Қызылжар” құрамында Тимур, 8 рет қақпаны дәл көздеген. Кейін “Ертіс” клубының сапына ауысты. 2020 жылы Павлодарлық командадан, қайтадан туған командасына оралды.

Алексей Щебетуннің жарақатына байланысты команданың шабуыл шебінде қиындықтар туындауы мүмкін.

Қазіргі уақытта “Қызылжар” турнирлік кестеде 10-шы орынға тұрақтады. Келесі ойын 20-шы қазан күні “Жастар” стадионында “Атырау” командасына қарсы өтеді.

Танымал жаңалықтар