Құтқару операциясы: Португалияда Роналду мен Жезусты татуластыруға тырысады
Лиссабонда Португалия құрамасындағы үлкен даудың зардабын азайту операциясы қызу жүріп жатыр, деп хабарлайды Sports24.kz.
Португалия футбол федерациясы Криштиану Роналдуға қатысты даудың қайғылы аяқталуына жол бере алмайтынын түсініп, ұлттық құраманың басты жұлдызымен арадағы қарым-қатынасты қалпына келтіру жұмысына кірісті.
Marca басылымының мәліметінше, Португалия футбол федерациясы Роналдумен татуласу бағытында белсенді жұмыс істеп жатыр және футболшының келісімімен келесі аптада барлық тараптың, соның ішінде бас бапкер Жорже Жезустың қатысуымен кездесу ұйымдастыруды жоспарлап отыр.
Федерация қарым-қатынасты қайтадан достық әрі салауатты арнаға түсіруге болатынына және ең бастысы, Криштианудың Португалия құрамасындағы мансабы соңғы оқиғаларға байланысты аяқталмайтынына үміттенеді. Басшылық 41 жастағы капитанға «Селесао дас Кинаш» сапындағы 13 жылдық тарихын құрметпен әрі лайықты түрде аяқтауға мүмкіндік бергісі келеді.
Бұған дейін Роналдудың Португалия құрамасынан кетуінің шынайы себептері ашылған болатын.
