Тарихи оқиға: Мұхаммеджан Сейсен еуропалық додада өнер көрсеткен тұңғыш қазақ қақпашысы атанды

Футбол 07 қара 2024 23:48

Аружан Темірбек

sports24 сарапшы

Қазақстандық “Астана” командасы 2024/25 жылғы маусымның Конференциялар лигасының негізгі кезеңінің үшінші турындағы сырт алаңдағы матчта кипрлік “Пафос” клубына есе жіберді.

Бұл ойында “Астананың” қақпашысы Мұхаммеджан Сейсен өзінің дебютін жасады. Ол еурокубоктарда ойнаған алғашқы қазақ қақпашысы атанды.

Сейсеннің дебюті сәтті өтті. Flashscore нұсқасы бойынша, ол астаналықтар құрамындағы үздік ойыншы атанып, порталдан 8.6 баллдық баға алды. Сонымен қатар, Сейсен матчтың үздік ойыншысы деп танылды.

Айта кетейік, Мұхаммеджан Сейсен “Тараз” клубының тәрбиеленушісі болып табылады.