«Сынақтардан чемпиондыққа»: Ульянов 2022 жылы Боранбаевтың тұтқындалуы «Қайратқа» қалай әсер еткені туралы айтты

Футбол 27 нау 2025 06:25

Арсен Алиев

Грозныйдың «Ахмат» клубының қақпашысы, бұрын «Қайрат» футбол клубында өнер көрсеткен Вадим Ульянов 2022 жылы клубтың бақылау кеңесінің төрағасы Қайрат Боранбаевтың ұсталуынан кейін алматылық команданың ішіндегі ауыр ахуал туралы естеліктерімен бөлісті.

«Бұл өте қиын кезең болды. Командаға көптеген сынақтар түсті, соның ішінде Қайрат Советайұлының тұтқындалуы. Ұжымда белгілі бір деңгейде күйзеліс пен қысым сезілді, бірақ біз жаңа жағдайға бейімделіп, әрі қарай жұмыс істеу керектігін түсіндік», – деді Ульянов Meta-ratings.kz сайтына берген сұхбатында.

Айта кетейік, Вадим Ульянов «Қайрат» сапына 2022 жылғы маусым алдында қосылып, 2024 жылдың соңында командадан кеткен. Алматылық клуб сапында ол 42 матч өткізіп, 2024 жылы Қазақстан чемпионы атанды.

Белгілі қазақстандық кәсіпкер және «Қайрат» футбол клубының бақылау кеңесінің төрағасы Қайрат Боранбаев 2022 жылы 17 наурызда квазимемлекеттік сектордағы ірі көлемдегі қаржы ұрлығы бойынша қамауға алынған болатын.

Жарты жылдан кейін, 2023 жылдың қыркүйегінде, сот оны кінәлі деп танып, мүлкін толық тәркілеумен алты жылға бас бостандығынан айыру жазасын тағайындады. Алайда кейінірек үкім жеңілдетілді. Тергеу органдарымен ынтымақтастығы мен мемлекетке 90 миллиард теңге көлеміндегі активтерді өз еркімен қайтарғанын ескере отырып, қалған жаза мерзімі бостандығын шектеуге ауыстырылды. Осылайша, 2023 жылдың 6 қарашасында Қайрат Боранбаев қамаудан босатылды.

Алмат Бекбаев Заруцкийдің Уэльске қарсы ойыны туралы пікір білдірді.

Байланысты командалар мен лигалар

Кайрат

Қазақстан Премьер-Лигасы