Шымкенттегі тартысты тең ойын: «Ордабасы» мен «Елімай» жеңімпазды анықтай алмады

Футбол 15 мау 2025 13:09

Арсен Алиев

Редактор

Қазақстан Премьер-Лигасының 12-туры аясында Шымкентте жергілікті «Ордабасы» мен семейлік «Елімай» арасында кездесу өтті.

Ойынның алғашқы минуттарынан-ақ алаң иелері жоғары қарқынмен басымдық танытып, бірнеше қауіпті шабуылдар ұйымдастырды. Алайда есепті бірінші болып қонақтар ашты — 39-минутта Кевин Ролон мергендік танытты.

Шабуылдарын тоқтатпаған «Ордабасы» ойынның 85-минутында дегеніне жетті — Муроджон Халматов таразы басын теңестірді. Қорытынды есеп - 1:1.

Қазақстан. Премьер-Лига. 12-тур

«Ордабасы» – «Елімай» – 1:1

Голдар: 39, Ролон, 85, Халматов

Бұл нәтижеден кейін «Елімай» өз ұпайын 18-ге жеткізіп, турнир кестесінде алтыншы орынға көтерілді. Ал шымкенттік ұжым 17 ұпаймен жетінші сатыда қалды.

Келесі турда «Ордабасы» «Оқжетпеске» қонаққа барса, «Елімай» өз алаңында «Туранды» қабылдайды.

Байланысты командалар мен лигалар

Ордабасы

Елімай

Қазақстан Премьер-Лигасы