Шымбұлақ тау-шаңғылық курортында ски-альпинизм бойынша алғаш Қазақстан чемпионаты өтеді

Футбол Бүгін 12:20

Нұрбақыт Қадырбаев

sports24 сарапшы

30 қараша мен 1 желтоқсан аралығында “Шымбұлақ” тау-шаңғылық курортында ски-альпинизм бойынша Қазақстан чемпионаты өтеді. Турнир осы спорт түрі танылғаннан кейін алғаш рет өткізілмек, деп хабарлайды ҚР ҰОК баспасөз қызметі.

Чемпионат екі кезеңнен тұрады: 30 қарашада спортшылар “Вертикалды жарыс” форматында, ал 1 желтоқсанда спринт басталады.

Жарысқа Шымкент, Өскемен, Петропавл, Ақмола облысы, Қарағанды, Алматы қалалары мен Алматы облысының спортшылары қатысады.

2024 жылы ски-альпинизм немесе скимо (ағылшынша Skimountaneering) Қазақстандағы спорт түрлерінің тізіліміне енгізілді. Чемпионат қорытындысы бойынша келесі жылдың ақпан айында Қытайда өтетін қысқы Азия ойындарында бақ сынайтын ұлттық құрама құрылады.