Серхио Рамос Аргентинада мансабын жалғастыруы мүмкін: аңыз Бока Хуниорске ауысуға жақын

Футбол 15 қаз 2024 00:00

Аружан Темірбек

sports24 сарапшы

Атақты испандық қорғаушы Серхио Рамос мансабын Аргентинадағы үздік клубтардың бірінде жалғастыруы мүмкін.

Рамос “Севильядан” жазда кеткеннен кейін клубсыз қалған болатын. Енді ол “Бока Хуниорспен” келісімшартқа қол қою үшін жақын арада Аргентинаға ұшып баруы мүмкін, деп хабарлайды fichajes.net басылымы. Бұл ұсынысты оған “Реалдағы” бұрынғы әріптесі, “Боканың” түлегі Фернандо Гаго жасағаны айтылады.

Рамос “Реал Мадрид” сапында ойнап, 4 мәрте Чемпиондар Лигасын жеңіп, футбол аңызына айналды. “Реалдан” кеткеннен кейін ол ПСЖ және өзінің туған клубы “Севильяда” өнер көрсетті, алайда қаржылық жағдайларға байланысты ол соңғы клубынан осы жылы жазда еркін агент ретінде ккетті.