Сергей РЕБРОВ: "Қарымта шабуылдарға көп көңіл бөлдік"

Футбол 12 қаз 2024 00:00

Украина құрамасы 2024/25 маусымындағы Ұлттар лигасының топтық кезеңінің 3-турында Грузияны жеңді. Польшаның Познань қаласындағы "Enea Arena" стадионында өткен матч 1:0 есебімен Украина пайдасына аяқталды.

Украина құрамасының бас бапкері Сергей Ребров жеңіске байланысты пікір білдіріп, матчтың тартысты өткенін, бірақ оның командасы табандылық танытып, қажетті нәтижеге қол жеткізгенін айтты. Ребров ойыншылардың көрсеткен өнеріне көңілі толатынын және мұндай жеңістердің командаға Ұлттар лигасындағы болашақ кездесулерде сенімділік беретінін атап өтті.

- “Мен тек алғысымды білдірдім, бізде әрқашан жеңіске деген ұмтылыс болды. Бірақ оны алаңда көрсету керек еді, мінезімізді көрсету қажет болды, бүгін біз сол мақсатымызға қол жеткіздік. Бүгін бірінші болып гол соққанымыз өте маңызды деп ойлаймын, кейін көбірек қарымта шабуылдармен ойнадық”.

«Сары-көктер» есепті матчтың 35-минутында ашты: Георгий Судаков қарсылас жарты алаңында допты тартып алып, ал Михаил Мудрик сол қапталдан орталыққа ығысып, айып алаңынан тыс жақын бұрышқа дәл соққы жасады. Вилли Саньольдің командасы есепті теңестіруге тырысты, бірақ Анатолий Трубиннің қақпасынан саңылау таба алмады.

- “Қарсыластың прессингіне ұшырағанда, шабуылшыны іздеу керек. Кейде біздің тірек жартылай қорғаушылар үлгермей жатты. Мен бәрін түсіндіре алмаймын. Ойынды барлығы бар күшін салып өткізді деп ойлаймын. Біз матчты талдап, бәрін қарастырамыз”, - деді Ребров.

Бұл кездесу Украина құрамасы үшін қазіргі Ұлттар лигасы турниріндегі алғашқысы жеңісі болды. Сергей Ребровтың шәкірттері матч барысында 12 соққы жасаса, Грузия құрамасы 13 соққы бағыттады.

Танымал жаңалықтар