Сельта – Барселона – 2:2. Барселона қолында тұрған жеңістен айырылды. Голдарға және матчқа бейнешолу

Футбол Кеше 22:36

Марлен Аманов

sports24 сарапшы

Сельта – Барселона – 2:2. Барселона соңғы минуттарда жеңісті уысынан шығарып алды. Голдарға және матчқа бейнешолу

Испания чемпионатының 14-турында “Сельта” мен “Барселона” жанкүйерлерге әсерлі матч сыйлап, 2:2 есебімен тең түсті. Ла Лигада көш бастап тұрған каталондықтар қатарынан екінші матчта ұпай жоғалтты.

“Барселона” ойын басталысымен белсенді ойнап, 15-минутта Рафиньяның голының арқасында есеп ашты. Екінші таймда Роберт Левандовски 61-минутта тағы бір гол салып, каталондықтардың артықшылығын еселей түсті. Жеңіске жақын тұрғандай көрінген “Барселона” күтпеген жағдайға тап болды.

82-минутта “Барселона” ойыншысы Касадо алаңнан қуылды. Осыдан кейін “Сельта” мүмкіндікті пайдаланып, бірнеше минут ішінде есепті теңестірді. Гонсалес 84-минутта, ал Альварес 86-минутта гол соқты.

Примера. 14-ші тур

Сельта - Барселона - 2:2

Голдар:Гонсалес, 84, Альварес, 86 Рафинья, 15, Левандовски, 61.

Қызыл қағаз:Касадо, 82.

“Барселона” турнир кестесінде көшбасында қала береді, бірақ қарсыластарымен арадағы ұпай айырмашылығы қысқарды. Ал “Сельта” 11-орынға көтерілді.

Матчтың видеошолуы: