Саян ХАМИТЖАНОВ: “Менің ойымша, біз маусымдағы мақсатымызды орындадық”

Футбол 04 қара 2024 02:44

Марлен Аманов

sports24 сарапшы

“Астана” клубының басшысы Саян Хамитжанов “Тобылмен” өткен матчтың нәтижесіне түсініктеме берді.

“Менің ойымша, біз қазірдің өзінде маусымдық мақсатымызды орындадық. Еурокубоктарда плей-офф кезеңіне жету мақсаты қойылған болатын, біз оны асыра орындап, топтық кезеңге шықтық. Алдағы уақытта “Челсимен” ойнайтын боламыз, бұл қазақстандық жанкүйерлерге үлкен сыйлық болды. Қазақстан чемпионатында, барлық маусымды сырт алаңда өткізетінімізді ескерсек, алғашқы үштікке кіріп, Еурокубоктарға жолдама алу мақсаты қойылған еді, біз қазір екінші орындамыз және Лига кубогының финалына да шықтық. Сондықтан маусымдық міндет толық орындалды деп айтуға болады. Егер “Қайрат” чемпион атанса, бұл клубтың мерейтойлық жылында қисынды болар, мен олар үшін қуанып, келесі жылы Чемпиондар Лигасында жанкүйер боламын және оларға Еурокубоктардың негізгі кезеңіне өтуін тілеймін. Жалпы, алда Чемпионаттағы соңғы матч бар, жігіттер өз ойынын ойнап, жеңіске жету үшін шығады”.

Еске сала кетейік, кеше “Астана” Қостанайда “Тобылға” есе жіберіп, чемпионаттың турнирлік кестесінде 2-ші орынға тұрақтады.