Саян Хамитжанов Боранбаевтың қосалқы құрамға қатысты сынына жауап берді

Футбол 11 қара 2024 04:18

Аружан Темірбек

sports24 сарапшы

“Астана” клубының басшысы Саян Хамитжанов KazFootball.kz тілшісіне берген сұхбатында “Қайрат” ҚБ төрағасы Кайрат Боранбаевтың еурокубоктық матчтарға қосалқы құрамды пайдаланудан бас тарту туралы айтқан сөздеріне қатысты пікір білдірді.

– Саян Жақсыгелдіұлы, кеше “Атырауды” жеңіп, алтын медаль иеленгеннен кейін Кайрат Боранбаев келесі жылы “Қайрат” Чемпиондар лигасында қосалқы құрамды пайдаланбайтынын мәлімдеді, бұл “Астанаға” бағытталған астарлы сөз ретінде қабылданды. Сіз бұл мәлімдемені қалай бағалайсыз?

Мен “Қайратқа” Чемпиондар лигасының іріктеу кезеңінде сәттілік тілеп қойдым және олардың жетістіктерін шын жүректен қалаймын. Қазақстандық клубтық футболды еурокубоктарда жалғыз көтеріп жүрген тек “Астана” ғана емес қой. Кайрат Советайұлы бұрын-соңды бетпе-бет келмеген нәрселер туралы сөз қозғап отыр. Алдымен бір уақытта екі майданда өнер көрсетудің қандай екенін сезініп көрсін. Сол кезде біз қай жерде және қандай құраммен “Қайраттың” ойнайтынын көретін боламыз. Біздің команда іріктеу кезеңдерінде ешқашан қссалқы құраммен шыққан жоқ, еурокубоктарда қазақстандық клубтар арасындағы ең жақсы нәтижелерге қол жеткізген жалғыз команда болды. Осы жетістіктеріміздің арқасында “Қайрат” жеңіл жеребе алады, ал “Ақтөбе” Еуропа лигасынан бастайды. Өкінішке қарай, бізге Еуропада мұндай қолдау көрсетілмейді, керісінше, бізді артқа тартатындар көп. Сондықтан біреуге қалай ойнау керектігін үйретпес бұрын, алдымен өздеріңіз дұрыс ойнауды үйреніп алыңыздар.

Айта кетейік, “Астана” осы аптада Конференция лигасында “Пафосқа” қарсы сырт алаңда (0:1), ал бұған дейін Уэльстің “Нью-Сейнтс” клубымен (0:2) матчта резервтік құраммен ойнады, бұл жанкүйерлер арасында түрлі пікірлер тудырды.