Сауд Арабиясының ойыншысы Еуропаның үздік 5 лигасының клубы сапында алғаш рет гол соқты
12 желтоқсанда Еуропа лигасының жалпы кезеңінің 6-шы туры аясында “Романың” қорғаушысы Сауд Абдельхамид “Брагаға” қарсы ойында (3:0) гол соқты.
Бұл гол Сауд Арабиясы үшін маңызды болды, өйткені бұл Еуропаның үздік 5 лигасында гол соққан осы елдің бірінші футболшысы. Соңғы жылдары Сауд Арабиясы футболды дамытуды күшейтуде: олар инфрақұрылымды дамытып, Еуропадан әлемдік деңгейдегі ойыншыларды сатып алып, жалпы, бұл спорт түріне қыруар қаржы құйып жатыр. Ал бұл жетістік осындай дамудың алғашқы нәтижелерінің бірі болды.
Жазда итальяндықтар Сауд Абдельхамидті “Әл-Хиләлдан” 2,5 миллион еуроға сатып алды. Ол “Рома” сапында 5 ойын өткізіп, бір гол соғып, нәтижелі пас берді.
Естеріңізге сала кетейік, жақында ФИФА 2034 жылғы әлем чемпионаты Сауд Арабиясында өтетінін ресми түрде хабарлаған болатын.
Байланысты командалар мен лигалар
Футбол
Бүгін 13:25
