Сауд Арабиясының клубы "Брентфорд" капитанымен келіссөздер жүргізуде
Саудиялық "Аль-Ахли" Айван Тоуни бойынша ағылшындық "Брентфордпен" келіссөздерді жалғастыруда. Келісімшарт бойынша ойыншы клубта әлі де бір жыл ойнауы керек.
Белгілі инсайдер Фабрицио Романо мәліметінше, келіссөздер клубпен де, ойыншымен де жүріп жатыр. Ағылшындар алғашқыда ойыншыны 35 миллион еуроға сатудан бас тартқан болатын. Саудиялық клуб үшін осы трансфер кезінде бірінші болып шабуылшыны алу басты мақсат.
Форвард "Брентфорд" сапында 2020 жылдан бері өнер көрсетеді. "Аралар" сапында Тоуни барлық турнирде 141 матчқа қатысты. Оның еншісінде 72 гол және 23 голдық пас бар. Оның мансабы тек ағылшын клубтарында өтіп келеді: “Нортхэмптон”, “Ньюкасл”, “Уиган”, “Шрусбери”, “Сканторп”, “Питерборо” және “Барнсли”. Бір қызығы, ол Еуропа чемпионатында 3 матчқа қатысты. Ойын уақытының аздығына қарамастан Айван бір голдық паспен көзге түскен болатын.
Тоуни Брентфордтың осы маусымдағы алғашқы матчына қатыспады. Шабуылшысыз клуб "Кристал Пэласты" 2:1 есебімен жеңді.
Теннис
Бүгін 04:58
Теннис
Бүгін 01:07
Футбол
Кеше 17:04