Салах Манчестер Ситиге қарсы матч туралы өз ойын айтты

Футбол Бүгін 12:57

Нұрбақыт Қадырбаев

sports24 сарапшы

“Саутгемптонмен” (3:2) өткен ойыннан кейін Мұхамед Салах Sky Sports басылымына сұхбат беріп, өткен матч пен келесі тур ойыны туралы пікірін білдірді. “Әулиелерге” қарсы ойында мысырлық футболшы 65-ші минутта есепті теңестіріп, 83-ші минутта пенальтиді орындап, командасына жеңіс әкелді.

"Бұл голдар өте маңызды болды, әсіресе біз 1:2 есебімен жеңіліп жатқаннан кейін. Ең бастысы, біз матчта жеңіске жеттік. Әр ойын әртүрлі. Олардың ойын жоспары болды және олар өте жақсы ойнады. Біз өзімізге келіп, жеңіске жеттік.

Менің ойымша, бізде жақсы жоспар болды, біз өз футболымызды ойнадық және мүмкіндіктер жасай алатынымызға сенімді болдым. Бұл керемет. Біз осы бағытта алға жылжи береміз деп сенемін. Бұл матчта жеңіске жетіп, ұпай санымызды 11-ге жеткіземіз деп үміттенемін. “Манчестер Сити” — “Манчестер Сити” болып қала береді. Олар қазір қиын кезеңді бастан өткеруде, бірақ олардың тамаша ойыншылары бар", - деді Салах сұхбатында.

Ағылшын Премьер-Лигасының келесі, 13-турында “Ливерпуль” өз алаңында “қалалықтарды” қабылдайды. “Қызылдардың” 8 ұпай айырымымен, кестеде көш бастап тұр.