Роналду Кассаноға жауап берді: "Өзің бар болғаны 150 гол соқтың және тек төрт жүлде жеңіп алдың"

Футбол 11 қаз 2024 15:14

Аружан Темірбек

sports24 сарапшы

Соңғы уақытта БАҚ-та Криштиану Роналду мен Антонио Кассано арасындағы жанама текетірес байқалуда. Итальяндық экс-футболшы португалиялық жұлдызды жиі сынап жүр, ал бұл жолы Роналду үнсіз қалмай, сыншысына тікелей жауап берді.

"Мен әрдайым бразилиялық Роналдоны бірінші орынға қоятынымды айтқанмын. Криштиану Роналду менің үздік 5-тігіме немесе 10-дығыма кірмейді, себебі мен ойыншыларды басқа критерийлер бойынша бағалаймын. Сосын, жұмысымды аяқтаған соң, +34 (Испания) нөмірінен оның барлық жүлделері, голдары мен статистикасы жазылған хабарлама алдым.

Дауыстық хабарламада ол маған: “Сен мені құрметтемедің, енді олай жасама. Өзің бар болғаны 150 гол соқтың және тек төрт жүлде жеңіп алдың”, – деді. Мен оған былай деп жауап бердім: “Криштиану, түсін мені. Сен мені құрметтемеді деп ойлайсың, бірақ маған сен жай ғана ойыншы ретінде ұнамайсың. Бұл жерде қандай мәселе бар?”, — дедім деп бөлісті Кассано BSMT Podcast-ында.

Еске сала кетейік, Кассано Криштианудың ойын шеберлігі жоқ екенін, оның жалғыз мақсаты - командалық ойынға қатысу емес, гол соғу екенін айтқан болатын.