Родри: "Испания — менің елім, ал Мадрид — менің туған қалам"

Футбол 16 қыр 2024 14:26

Аружан Темірбек

sports24 сарапшы

«Манчестер Сити» және Испания құрамасының жартылай қорғаушысы Родри өзінің «Реалға» ауысуы мүмкіндігі жайлы сыбыстарға үн қатты:

«Қазір мен Англияда бақыттымын және барлығына разымын. Мен әлемдегі ең жақсы клубтардың бірінде ойнаймын. Келісімшартымда тағы үш жыл бар, бірақ уақыты келгенде болашақты ойлайтын боламын. Испания - менің елім, ал Мадрид- менің туған қалам».

Сонымен қоса, ойыншы «Алтын допқа» үміткерлігі туралы да пікір білдірді.

«Шынымды айтсам, менің «Алтын допқа» үміткерлер қатарында болуым және көшедегі адамдардың маған: «Сен әлемдегі ең үздік ойыншысың» деп айту керемет сезім қалдырады. Олар маған мұны айтқанда мен өзімді жеңімпаз сезінемін », - деді Родри.

Еске сала кетейік, ойыншының клубпен қазіргі келісімшарты 2027 жылдың жазына дейін. Transfermarkt порталында берілген ақпаратқа сәйкес, футболшының нарықтағы құны 110 миллион еуроны құрайды.