Ресми: «Челсидің» көшбасшысы клубпен жаңа келісімшартқа қол қойды
«Челси» 24 жастағы бразилиялық шабуылшы Жоао Педроның келісімшартын ұзартқанын ресми түрде жариялады. Жаңа ұзақмерзімді келісім оған «Стэмфорд Бриджде» 2034 жылдың жазының соңына дейін ойнауға мүмкіндік береді, деп хабарлайды Sports24.kz.
Лондондық клуб легионердің жалақысын айтарлықтай көтеріп, «Барселона» мен «Арсеналдың» қызығушылығына тосқауыл қойды – бұл клубтар шабуылшы үшін 100 миллион еуродан астам қаржы ұсынып үлгерген болатын.
Қаржылық жағдайының жақсаруы мен келісімшарттың ұзартылуымен қатар, Жоао Педро келесі маусымнан бастап жейдесіндегі нөмірін де ауыстырады: енді бразилиялық ойыншы «Челсидің» бұрын Лиам Делап киіп жүрген 9-шы нөмірін еншілейді.
«Брайтоннан» ауысқаннан кейінгі алғашқы маусымында бразилиялық футболшы «Челсидің» шабуылындағы басты күшке айналды: барлық турнирлерде 20 гол соғып, 6 нәтижелі пас берді, ФИФА клубтық әлем чемпионатын жеңіп алды және «Челси» жанкүйерлерінің нұсқасы бойынша маусымның үздік ойыншысы атанды.
Бұған дейін «зеңбірекшілердің» шабуылшысы үшін үш клуб күреске қосылатыны хабарланған еді.
