Ресей Кубогының 1/4 финалында Зенит пен Ахмат кездеседі: Әліп Самородовқа қарсы

Футбол 24 қаз 2024 04:00

Аружан Темірбек

sports24 сарапшы

Санкт-Петербургтің “Зенит” командасы Ресей Кубогының 1/4 финалында “Ахматпен” кездеседі. Петербургтік команда сапында Қазақстан құрамасының қорғаушысы Нұрәлі Әліп, ал қарсылас клуб сапында ұлттық құраманың шабуылшысы Максим Самородов ойнайды.

“Зенит” Кубоктың топтық кезеңінде D тобында бірінші орын алып, алты матчта бірде-бір жеңіліс көрмеді. “Ахмат” С тобында тоғыз ұпаймен екінші орынға ие болды.

1/4 финалдың алғашқы матчы 5-7 қараша күндері Санкт-Петербургтегі “Газпром Аренада” өтсе, қарымта кездесу 26-28 қарашада Грозныйда болады. Ойындардың нақты күндері кейінірек анықталады.

2024/2025 маусымында Әліп Ресей чемпиондарының сапында 12 матч өткізді. Ал жазда “Ақтөбеден” “Ахматқа” ауысқан Самородов ресейлік клубта 11 ойынға қатысып, бір гол соқты.