Реал Винисиустың АД жеңбейтіні туралы алдын - ала білді
Журналист Антон Меана айтуынша, мадридтік «Реал» алдын ала өзінің жұлдызды шабуылшысы Винисиус Жуниордың биыл «Алтын доп» жеңіп алмайтындығын біле тұра, бұл ақпаратты бразилиялықтан жасыруды шешкен.
«Реал» алдын ала шешімді білген, бірақ Винисиусты «Барселонамен» матч алдында алаңдатпау үшін жасырып қалған. Винисиусқа жақын дереккөздерге сәйкес, ойыншының ортасы өткен аптада жұма күні бразилиялықтың «Алтын доп» жеңіп алмайтынын сезген. Бұл сезім қандай да бір ақпараттан емес, таза интуициядан туындаған, нәтижесінде олар «Реалмен» байланысып, клубтан Винисиус жеңімпаз болмайтыны туралы хабар алған. Алайда «Реал» бұл ақпаратты ойыншыға айтпауды жөн көрген, себебі оны «эль класикоға» дайындықтан алаңдатқысы келмеген, — деді Меана Carrusel Canalla подкастында.
Еске сала кетейік, биыл «Алтын допты» «Манчестер Сити» жартылай қорғаушысы Родри жеңіп алды. Церемония 28 қазанда Парижде өтті. Онда «Реал» клубының бірде-бір өкілі болған жоқ.
Теннис
Бүгін 11:30
Бокс
Бүгін 09:29
Теннис
Бүгін 08:52