Раньери Дибаланың болашаңы жайында пікір білдірді
"Рома" клубының бас бапкері Клаудио Раньери аргентиналық шабуылшы Пауло Дибаланың клубтағы болашағына қатысты пікір білдірді.
"Мен оның бізде қалғысы келетінін білемін. Бізге ешқандай ұсыныс түскен жоқ", – деп мәлімдеді Раньери Sky Sport Italia арнасына берген сұхбатында.
Бұған дейін Дибаланың түрік "Галатасарай" клубына ауысуы мүмкін екендігі туралы ақпараттар тараған болатын.
Аргентиналық футболшы 2022 жылдың жазында "Ромаға" еркін агент ретінде қосылған. Ол римдіктер үшін 96 матч өткізіп, 38 гол соғып, 20 нәтижелі пас берген. Дибаланың клубпен келісімшарты 2025 жылдың жазына дейін жарамды. Transfermarkt мәліметтері бойынша, оның нарықтық құны 12 млн еуроға бағаланады.
РЕСМИ: Ғани Қайназаров QFL президенті қызметінен кетті.
Байланысты командалар мен лигалар
Басқа спорт түрлері
Бүгін 03:34
