Рафинья матчтан кейін төрешіге ашуланып, әріптестерін итеріп жіберді

Футбол 06 сәу 2025 05:34

Бағдат Асылбек

Репортер

Каталондық «Барселонаның» бразилиялық қанатшысы Рафинья 1:1 есебімен тең аяқталған «Бетис» командасына қарсы ойыннан кейін төрешімен жанжалдасып қалды.

Әлеуметтік желілерде Рафиньяның алдымен матчтың төрешісіне наразылығын білдіріп, сосын оны тыныштандыруға тырысқан әріптестерін итеріп жіберген кадрлар пайда болды. Жарақат алған қақпашы Тер Штеген де зардап шекті, өйткені Рафинья трибунаға кірген кезде оны итеріп жіберді.

Көп ұзамай Рафиньяның «Барсаның» бас жаттықтырушысы Ханс Фликпен бірге түсірілген кадрлары да пайда болды, ол да ойыншыны тыныштандыруға тырысты.

Матчтан кейінгі баспасөз мәслихатында тілшілер бұл оқиғаны айтып, бапкерден не болғанын сұрады. Ханси Флик: "Төрешілер жақсы. Ол маған айғайлады" деп жауап берді.

Сәуірдің 5-інен 6-сына қараған түні «Барселона» Испания Ла Лигасының 30-шы турындағы ойында өз алаңында «Бетисті» жеңе алмай, 1:1 есебімен тең ойнады.

Бұл матчтан кейін каталондықтар кеше өз алаңында «Валенсиядан» 1:2 есебімен ұтылып қалған мадридтік «Реалдан» бір ұпайға айырылып қалды.

Қазір «Барсада» 67 ұпай, «Реалда» 63 ұпай бар. «Атлетико» 57 ұпаймен үшінші орында тұр.

Байланысты командалар мен лигалар

Барселона

Бетис

Ла Лига Испания