Рабьо отанына қайта оралады: Марсель келісімді аяқтады

Футбол 15 қыр 2024 14:35

Аружан Темірбек

sports24 сарапшы

Адриен Рабьо алдағы 48 сағат ішінде “Марсель” сапына ауысады. Жартылай қорғаушы отанына оралады.

L'Equipe басылымы бұған дейін оның анасы Адриенді «Манчестер Юнайтед» пен «Арсеналға» ұсынғанын, бірақ клубтар оны тіпті тегін өз сапына қосудан бас тартқанын хабарлады. Алайда, ойыншыны Еуропада қалдыру жөніндегі әрекеттер мұнымен бітпеді: енді Фабрицио Романо алдағы екі күн ішінде “Марсель” ойыншының трансферін ресми түрде жариялайтынын хабарлады.

Еске сала кетейік, Адриен Рабьо "Ювентус" сапынан еркін агент ретінде кетті. Туриндік клуб оның аяқталған шартын ұзартудан бас тартты. Себебі, Рабьо қомақты жалақы талап етті.