QFL Бірінші лигасының чемпионын анықтайтын күн

Футбол 25 қаз 2024 00:26

Марлен Аманов

sports24 сарапшы

Бүгін QFL Бірінші лигасының чемпионы мен Жоғарғы дивизионға жолдама алған, сондай-ақ турнирмен қоштасатын командалар белгілі болады.

Турнирдің көш басындағы “Оқжетпес” өз алаңында “Қайсар-Жаспен” кездеседі. Қазіргі таңда 60 ұпаймен көш бастап тұрған “Оқжетпес” бұл ойында жеңіске жетсе, чемпиондық атаққа ие болады. “Қайсар-Жас” болса, аутсайдерлер қатарында және бұл матчта қарсыласқа лайықты ойын көрсету қиын болуы мүмкін

“Ұлытау” қайта жаңартылған алаңында SD Family командасын қабылдайды. Алаң иелері 57 ұпаймен екінші орында, алайда оларға чемпиондыққа қол жеткізу үшін тек өздерінің жеңісі емес, “Оқжетпестің” нәтижесіне де байланысты болмақ.

“Қайрат-Жастар” сырт алаңда «Алтаймен» кездеседі. Алматылықтар да 57 ұпай, бірақ гол айырмасы жағынан “Ұлытаудан” кейін қалып отыр. Сондықтан бұл матчта олардың мүмкіндігі тек өз нәтижелеріне ғана емес, басқа ойындардың нәтижесіне де байланысты.

Каспий» өз алаңында “Арысқа” қарсы маңызды ойынды өткізеді. “Каспий” 55 ұпаймен төртінші орында тұр, бұл ойын олар үшін шешуші болмақ. Олар 3 ұпай алып, Жоғарғы дивизионға жолдама алуға тырысады.

Сонымен қатар, “Екібастұз” бен “Ақжайық” арасындағы матч оралдық команданың келе алмауына байланысты өтпейтінін хабарлаймыз.