ПСЖ тренері Луис Энрике Чемпиондар лигасында клубтық антирекорд орнатты

Футбол Бүгін 01:51

Асылхан Тоқсанбек

sports24 сарапшы

"ПСЖ" командасының бас бапкері Луис Энрике Лигасында париждік клубтың тарихында антирекорд орнатты. Бұл антирекорд 5-турда мюнхендік "Бавариядан" (0:1) минималды есеппен жеңіліс тапқаннан кейін орнаған. Бұл туралы Stats Foot порталы әлеуметтік желілерде хабарлады.

Ақпарат көзінің мәліметі бойынша, испандық маман Луис Энрике "ПСЖ" құрамында 17 матчта 8 рет жеңіліс тапты (4 жеңіс).

Ал бұған дейін клубтың тарихындағы ең нашар нәтиже француз маманы Лоран Бланға тиесілі болатын, ол "ПСЖ" командасын басқарған 30 матчта 7 рет жеңіліс тапқан.

Чемпиондар лигасының жалпы кезеңінің бес матчынан кейін "ПСЖ" 4 ұпаймен 26-орында тұр.