ПСЖ Қақпашы Матвей Сафонов Ресей ұлттық құрамасының қазан айындағы ойындарына қатыса алмайды
Baza телеграм-арнасы хабарлағандай, адвокаттар Сафоновқа алимент бойынша сот шешімі күшіне енгеннен кейін Ресейге бармауға кеңес берген.
60 миллион рубль қарызына байланысты футболшыға тағы да Ресейден шығуға тыйым салынуы мүмкін. Мұндай жағдайда Матвейге ПСЖ сапына қайта оралмау қаупі төңіп тұр.
Қақпашының өзі қазан айындағы оқу-жаттығу жиындарына барғысы келетінін айтқанымен, оның адвокаттары кассация басталып, шектеулер алынғанға дейін Ресейге бару тым қауіпті деп санайды.
Еске сала кетейік, 2021 жылы Матвей Сафонов пен Анастасия Казачёк жанжалмен ажырасты: футболшы сот арқылы қызын өзіне алуға және бұрынғы әйелін ай сайын 13 386 рубль алимент төлеуге міндеттеуге тырысқан.
Сафонов сот талабын орындамағандықтан, оған шетелге шығуға тыйым салынған. Бұл оның 20 миллион еуроға ПСЖ-мен жасаған келісімшартына қауіп төндірген болатын. Қазіргі уақытта Сафонов париждік клуб сапында өнер көрсетуде.
