Португалия құрамасының бапкері Мартинес 39 жасар Роналдудың ойыны жайлы өз пікірін білдірді

Футбол 15 қаз 2024 03:54

Аружан Темірбек

sports24 сарапшы

Португалия құрамасының бас бапкері Роберто Мартинес 39 жастағы шабуылшы Криштиану Роналду туралы пікір білдірді.

"Мен үшін ойыншының жасы маңызды емес. Криштиану өз жасындағы футболшыға ұқсамайды және олай өнер көрсетпейді. Біз әр футболшының физикалық жағдайын ескереміз, ал Роналду тамаша формада.

Ол ертеңгі ойынға дайындалып, командаға көмектесу үшін аянбай еңбек етуде. Барлық күшін жеңіске арнайтын футболшыны жаттықтыру оңай. Оның жеңіске деген құштарлығы таңғалдырады, мұндай ойыншыдан алаңда көп нәрсені үйренуге болады", — деп Мартинестің сөзін Record келтіреді.

Еске сала кетейік, Шотландия мен Португалия арасындағы Ұлттар лигасының ойыны 15 қазанда Глазгода өтеді.