Порту — Рома. Онлайн көру. LIVE көрсетілім
13-нен 14-ақпанға қараған түні “Порту” мен “Рома” Еуропа лигасының 1/16 финалындағы алғашқы кездесуін өткізеді.
Португалиялық клуб турнирге алғашқы сегіздікке кіруді мақсат етіп кіріскен болатын. Құрамы бұл міндетті орындауға жеткілікті деңгейде мықты болғанымен, топтық кезеңде “Порту” өз мүмкіндігін толықтай көрсете алмады. Команда бар болғаны екі рет жеңіске жетіп, соңғы тур алдында тіпті алғашқы 24 команданың қатарына енбей қалу қаупі туындады. Тель-Авивтің “Маккабиімен” өткен ойында “айдаһарлар” жеңіске жетуі тиіс еді және фаворит саналды. Қиындықтарға қарамастан, португалиялықтар 1:0 есебімен жеңіске жетті. Матч соңында қарсылас гол соғып, біраз уақыт “Порту” плей-офф аймағынан тыс қалғандай көрінді, бірақ израильдік команданың голы есепке алынбады, осылайша португалиялықтар 18-орын алып, жарысты жалғастыру мүмкіндігіне ие болды.
- Матчтың барлық ең қызықты сәттерін Sports24.kz Telegram-арнасында live режимде көруге болады!
“Рома” да Еуропа лигасының басты фавориттерінің бірі саналып, бірден 1/8 финалға шығуды көздеді. Клубтың тәжірибесі мен шеберлігі бұл мақсатқа жетуге мүмкіндік беретіндей көрінгенімен, топтық кезеңде римдіктер сегіз матчта небәрі 12 ұпай жинады. Оның жартысын матчтардың соңғы минуттарында еншілеген “қасқырлар” ұзақ уақыт бойы топ-24 қатарына енбей қалу қаупінде болды. Соңғы турда Клаудио Раньеридің шәкірттері өз алаңында “Айнтрахтты” қабылдады. Қарсылас команданың турнирлік мотивациясы болмауы римдіктерге көмектесті – 2:0 есебімен жеңіске жеткен “Рома” 15-орын алып, плей-офф кезеңіне жолдама алды.
Ойын Астана уақытымен 01:00-де басталады. Тікелей эфирді Qazsport телеарнасынан көруге болады.
Байланысты командалар мен лигалар
Футбол
Бүгін 14:46
