Поль Погба Ювентус жанкүйерлерімен қоштасты

Футбол Бүгін 15:56

Нұрбақыт Қадырбаев

sports24 сарапшы

Француз футболшысы Поль Погба “Ювентус” жанкүйерлеріне екіжақты келісім бойынша келісім-шартты бұзатынын жариялағаннан кейін әсерлі хабарлама жасады.

"Жағдайлар біз қалағандай болмайтын кездер болады, бірақ бір нәрсе анық: мені сіздермен, қымбатты жанкүйерлермен, байланысым ұмытылмас болып қалады.

Сіздер маған сөзбен айтып жеткізе алмайтын көп нәрсені бердіңіздер, маған сыйлаған барлық сүйіспеншілікті әрқашан өзіммен бірге алып жүремін. Сіздер менің жүрегімде мәңгіге қаласыздар. Ювентуске сәттілік тілеймін!", - деп жазды Погба әлеуметтік желіде.

Еске салайық, Поль Погба 2023 жылдың қыркүйегінде допинг сынамасынан өте алмағаны белгілі болған соң, футболдан уақытша шеттетілген болатын.