Покатиловтың клубының бапкері тарихтағы алғашқы кубоктан кейін командадан кетті
Футбол
14 мау 2025
13:49
Нұрбақыт Қадырбаев
Редактор
ФОТО: ФК Сабах
Бакулық «Сабахтың» бас бапкері Василий Березуцкий отбасылық жағдайға байланысты Әзірбайжан клубындағы қызметінен кетті, деп хабарлады клубтың баспасөз қызметі.
«Василий Березуцкий мен оның отбасына бар жақсылықты, ал жұбайына тезірек сауығып, зор денсаулық тілейміз», - делінген клуб таратқан хабарламада.
42 жастағы маман «Сабахқа» 2024 жылдың қарашасында ауысып, екі жарым жылдық келісімшартқа қол қойды. Оның жетекшілігімен команда Әзербайжан Кубогын жеңіп алды, бұл команданың тарихтағы алғашқы трофейі болды.
Салтанатты маусымның екінші жартысында қазақстандық қақпашы Стас Покатилов командаға қосылып, аз уақыттың ішінде басты қақпашы атанып, кубокты жеңіп алуға тікелей атсалысты. Атап айтсақ, финалдық кездесуде Стас пенальтиді сәтті қайтарды.
Байланысты командалар мен лигалар
Танымал жаңалықтар
Барлық жаңалықтар
Пікірлер
Пікір қалдыру үшін тіркелуіңіз керек