ҚПЛ-дегі теңсіздік? Томасовтың жалақысы тағы дауға қалды
Асхат Тағыбергеннің жалақысына байланысты туындаған мәселесі аясында спорт журналисі Оңғар Қабден елордалық «Астана» клубының жартылай қорғаушысы Марин Томасовтың айлық табысын жария етті.
Журналисттің айтуынша, Қазақстан Премьер-лигасында ойыншылардың жалақысындағы алшақтық әділетсіз бәсекелестікке әкелуі мүмкін.
«Үкімет футболшылардың жалақысын реттеу керек деген тапсырма берді. Томасов неге «Астанада» айына 22 миллион теңге алады? Ал «Қайсардағы» жігіттер 500-600 мың теңгеге қалай бәсекелеседі? Бұл — әділетсіз жағдай», — деді Қабден 1bol подкастында.
Хорватиялық жартылай қорғаушы Марин Томасов «Астана» сапында 2017 жылдан бері ойнап келеді. Ол клуб үшін 130-дан аса матч өткізіп, 56 гол соқты және 57 нәтижелі пас берді. Томасов әлі күнге дейін Премьер-лиганың ең тиімді ойыншыларының бірі саналады.
Байланысты командалар мен лигалар
Басқа спорт түрлері
Бүгін 00:32
