Павел ЕВТЕЕВ: “Тек бір қазақстандық футболшыны атап өту қиын”
Қазақстан ұлттық құрамасының бұрынғы ойыншысы Павел Евтеев 2024 жылғы ең үздік қазақстандық ойыншыны анықтау туралы өз пікірін білдірді.
“Бұл сұраққа біржақты жауап беру өте қиын. Соңғы РПЛ ойындарында Максим Самородов өте жақсы ойын көрсетіп жүр. Жақында ол қараша мен желтоқсан айларының қорытындысы бойынша РПЛ-дағы ең үздік гол авторы атанды. Осылайша, ол Ресей чемпионатында өз қабілетін дәлелдеп отыр. “Зенит” командасының негізгі құрамында ойнайтын Нұрәлі Әліп те мықты ойыншы, ол тек қорғаныста ғана емес, сонымен қатар голдық пас беріп, гол соғуымен де көзге түсті. Қазақстан чемпионатында “Астана” командасының қорғаушылары Ян Вороговский мен Александр Марочкин жақсы деңгейде өнер көрсетті. Сонымен қатар, “Ордабасы” мен Қазақстан ұлттық құрамасында көп ойын өткізген тәжірибелі Асхат Тағыбергенді де атап өтуге болады. Жалпы, тек бір футболшыны атап айту қиын”, - деп келтіреді Евтеевтің сөздерін Sports.kz.
Естеріңізге сала кетейік, биыл Қазақстан чемпионатында “Қайрат” топ жарды. Ал Қазақстан ұлттық құрамасы Ұлттар Лигасының топтық кезеңінде бір ұпаймен және голсыз соңғы орынға ие болды.
Байланысты командалар мен лигалар
Теннис
Бүгін 14:40
Футбол
Бүгін 14:16
Футбол
Бүгін 13:47