Оқжетпес Премьер-лигаға қайта оралды

Футбол 18 қаз 2024 10:10

Марлен Аманов

sports24 сарапшы

Андрей Ферапонтов шәкірттері чемпионаттың аяқталуына 1 тур қалғанда мерзімінен бұрын Жоғарғы дивизионға жолдама алды. Бүгін көкшетаулықтар, қонақта “SD Family” командасының қақпасына жауапсыз 7 гол соғып, тас талқан етті.

Көкшетаулық клуб қазіргі уақытта 60 ұпаймен QFL Бірінші лигасының турнирлік кестесінде сенімді көш бастап тұр. Соңғы турда қандай нәтиже тіркелсе де Премьер-лиганың жолдамасы “Оқжетпесте” қала бермек.

Айта кетейік, 25-қазан күні “Оқжетпес” өз алаңында қызылордалық “Қайсар-Жаспен” кездеседі. Көкшетаулықтардың чемпион атануы үшін бұл ойында тең нәтиженің өзі жеткілікті. Алайда, өз жанкүйерлері алдында алаң иелері тек жеңіс үшін ойнайтыны анық.