Осы маусымда Қазақстан футбол лигасының матчтарына миллионнан астам көрермен барды
Qazaqstan Football League ресми сайты көрермендер саны бойынша 2024 жылғы маусымның қорытындысын шығарды.
Qazaqstan Football League алғаш рет осы маусымда 8 турнир ұйымдастырып, көрермендердің айтарлықтай қызығушылығын арттыра алды. Тоғыз айдың ішінде 1 094 316 көрермен матчтарға барып, өз клубтарына жанкүйерлік танытты. Сондай-ақ, OLIMPBET QFL Премьер-лигасының 5-ші турында “Қайрат” - “Ақтөбе” теке-тіресі футболдан Қазақстан чемпионатының тарихында рекордты жаңартты. Алматы қаласының Орталық стадионында өткен матчқа 22 804 адам жиналды.
Отандық жанкүйерлер ең бірінші кезекте OLIMPBET QFL Премьер-лигасына назарын аударып, 674 770 көрермен матчқа барды. Оның артынша, 1ХВЕТ QFL Бірінші лигасы 132 420 адам жинай алды. Ал OLIMPBET QFL Қазақстан кубогын 96 147 азамат тамашалай алды.
QFL Екінші лигасының матчтарына баратындардың үлесі (88 403 көрермен) екі есеге артса, 16 клубтың қатысуымен өткен жаңа турнир - 1ХВЕТ QFL Лига кубогында 98 071 адам қолдау білдірді. “Түркістан Арена” стадионында “Жеңіс” пен “Астана” арасындағы маусымның шешуші ойынына 5 000 жанкүйер жиналды. Сонымен қатар, QFL Әйелдер кубогы мен QFL Әйелдер лигасының матчтарына 4 505 адам жиналды.
Басқа спорт түрлері
Бүгін 13:13