Орталық стадион басқарушысы Астана - Челси матч барысында қызметінен босатылды

Футбол Бүгін 12:28

Асылхан Тоқсанбек

sports24 сарапшы

Алматы қаласындағы Орталық стадионының басқарушысы Бауыржан Жұмажанов ағылшындық "Челси" футбол клубымен өткен матчқа дайындықтың нашарлығы себепті қызметінен босатылды, деп хабарлайды КазТАГ.

"Орталық стадионның басқарушысы Бауыржан Жұмажанов өз лауазымынан босатылды", – деп мәлімдеді Спорттық нысандар дирекциясы.

Дирекция өкілдері стадионның батыс секторының орындықтары уақытында қардан тазартылмағанын және бұл жалпы орын санының 2,7%-ын құрағанын атап өтті.

Бұл жағдайға байланысты тексеру жүргізілетіндігі хабарланды.

Матч алдында әлеуметтік желілерде мұз бен қар жапқан орындықтардың суреттері мен видеолары таралған болатын.

Байланысты командалар мен лигалар

Астана

Челси

Конференция лигасы