Орландода тең ойын: «Лос-Анджелес» бен «Фламенго» матч соңында гол алмасты

Америкалықтар ойын соңында есеп ашты, бірақ бразилиялықтар дереу жауап қайтарып, топтан бірінші орынмен шықты

Футбол 24 мау 2025 23:36

Орландода тең ойын: «Лос-Анджелес» бен «Фламенго» матч соңында гол алмасты

ФОТО: flamengo нстаграм парақшасынан

Клубтық әлем чемпионатының D тобындағы соңғы турда «Лос-Анджелес» (АҚШ) пен Бразилияның әйгілі «Фламенго» командасы кездесті.

Матч АҚШ-тың Флорида штатындағы Орландо қаласында орналасқан «Кэмпинг Уорлд» стадионында өтті. Қарсылас командалар 1:1 есебімен тең тарқасты.

Ойынның 84-минутында алаң иелері есеп ашты — Дени Буанга Тимоти Тильмандан тамаша пас алып, допты қақпаға дарытты. Бірақ екі минут өтпей жатып, «Фламенго» таразы басын теңестірді: Уоллес Ян Жоржиньоның пасынан кейін есепті 1:1 етті.

Әлем. Клубтық әлем чемпионаты. 3-тур

«Лос-Анджелес» - «Фламенго» - 1:1

Голдар: 84, Буанга, 86, Уоллес

Үш тур қорытындысы бойынша «Фламенго» жеті ұпай жинап, топта бірінші орын иеленіп, плей-офф кезеңіне жолдама алды. Екінші орынды алты ұпай жинаған Лондонның «Челси» клубы иеленді. Ал «Лос-Анджелес» тек бір ұпаймен соңғы орынға тұрақтады.